Déi meescht Aarte vu Demenz si leider net heelbar, a bis elo gëtt et kee Schutz, fir net un Demenz z’erkranken. Mä – an dat ass déi gutt Noriicht – et ginn eng ganz Rëtsch Facteuren, déi de Risiko kënne verréngeren.

D’Zil vun dësem Virtrag ass et, Iech konkret an wëssenschaftlech fundéiert Rotschléi ze ginn, wéi Dir Äre perséinleche Risiko reduzéiere kënnt, fir esou e gesondt an aktivt Liewen ze féieren.

An Zesummenaarbecht mam Info-Zenter Demenz bitt dës Informatiounsveranstaltung d’Méiglechkeet, sech ëmfaassend z’informéieren. Duerno kënnt Dir gären nach weider Froen stellen.